Técnicas que utilizamos
- Drenaxe bronquial asistida adaptada á idade do neno
- Técnicas de tos provocada e asistida
- Reeducación do patrón respiratorio
- Traballo postural e mobilidade torácica
Como é unha sesión
Atendemos desde recén nacidos ata adolescentes. Coidamos especialmente que a sesión sexa cómoda para o neno e que a familia se sinta acompañada e informada en todo momento.
Antes de comezar falamos coa familia para coñecer a situación do neno e explicar en que consiste a sesión, e ao rematar resolvemos as dúbidas que xurdan.
A fisioterapia respiratoria non substitúe o seguimento do pediatra. Se o neno ten febre alta ou moita dificultade para respirar, o primeiro é consultar co seu médico.
Preguntas frecuentes
A fisioterapia respiratoria é molesta para os nenos?
Empregamos técnicas suaves e adaptadas á idade de cada neno. O noso obxectivo é que a sesión sexa o máis cómoda posible tanto para os pequenos como para as familias.
Cando pode ser recomendable pedir cita?
Se notas que ao teu fillo lle custa eliminar a mucosidade, ten bronquiolites ou catarros frecuentes ou lle custa respirar con normalidade, podemos valorar o seu caso e orientarte.
Onde estamos
Acotío Fisioterapia está na Rúa Coruña 33, baixo, 15840 Santa Comba (A Coruña). Se vés desde Mazaricos, Zas, A Baña, Val do Dubra ou Negreira, estamos a pouca distancia en coche. A clínica é accesible con carriño de bebé e con cadeira de rodas.
Horario: luns de 9:00 a 21:00 e de martes a venres de 8:00 a 21:00.
Pide a túa cita
Se tes algunha dúbida ou queres pedir cita, estaremos encantadas de axudarche. Chámanos ao 614 377 785 ou escríbenos por WhatsApp.
Pedir cita por WhatsApp