Técnicas que utilizamos
Punción seca
Consiste na inserción de agullas nos puntos gatillo miofasciais para reducir a dor e mellorar a función muscular. Está especialmente indicada cando existe tensión muscular profunda que non responde ao tratamento convencional.
Neuromodulación percutánea (NMP)
Técnica que combina a inserción de agullas con estimulación eléctrica para modular a dor de orixe nerviosa e mellorar a función neuromuscular.
Acupuntura
A inserción de finas agullas en puntos concretos do corpo pode axudar a modular a dor, reducir a tensión muscular e mellorar o benestar xeral. Intégrase no tratamento cando o caso o require.
Punción seca ou neuromodulación: en que se diferencian
Aínda que as dúas se fan con agullas, non buscan o mesmo. Na punción seca a agulla vai ao músculo, a un punto gatillo, para reducir a tensión e a dor dese músculo. Na neuromodulación percutánea a agulla colócase preto dun nervio e aplícase unha corrente eléctrica suave, co obxectivo de influír no sistema nervioso e na forma en que procesa a dor.
Segundo o que atopemos na valoración, pode estar indicada unha, a outra ou ningunha das dúas.
Como traballamos
Estas técnicas aplícanse sempre dentro dun plan de tratamento e nunca como primeira nin única opción. Antes de realizar calquera técnica explicámosche o procedemento e resolvemos todas as túas preguntas.
Preguntas frecuentes
A punción seca doe?
A sensación pode resultar molesta durante uns segundos, pero adoita ser ben tolerada. A intensidade depende de cada persoa e da zona tratada.
Teño algo de medo ás agullas. É normal?
Claro que si. É unha dúbida moi habitual. Antes de realizar calquera técnica explicámosche o procedemento e resolvemos todas as preguntas para que te sintas tranquilo e seguro.
A fisioterapia invasiva é para todo o mundo?
Non sempre. Por iso realizamos unha valoración previa para decidir se é a ferramenta máis axeitada para o teu caso ou se existen outras opcións máis recomendables.
Onde estamos
Acotío Fisioterapia está na Rúa Coruña 33, baixo, 15840 Santa Comba (A Coruña). Se vés desde Mazaricos, Zas, A Baña, Val do Dubra ou Negreira, estamos a pouca distancia en coche. A clínica é accesible con carriño de bebé e con cadeira de rodas.
Horario: luns de 9:00 a 21:00 e de martes a venres de 8:00 a 21:00.
Pide a túa cita
Se tes algunha dúbida ou queres pedir cita, estaremos encantadas de axudarche. Chámanos ao 614 377 785 ou escríbenos por WhatsApp.
Pedir cita por WhatsApp